2026 жылғы 28 сәуірде Қазақстан Республикасы Мәдениет және ақпарат министрлігінің бұйрығымен «Қазтелерадио» АҚ Басқарма төрағасы лауазымына Жанат Мұратұлы Қожахметов тағайындалды.

            Ж.М. Кожахметов, 1979 жылы туған, жоғары заң білімі бар – 2000 жылы Е.А. Букетов атындағы Қарағанды мемлекеттік университетін «Халықаралық заңгер» мамандығы бойынша бітірген.

            Мемлекеттік және басқарушылық қызметтегі жалпы өтілі 20 жылдан асады, оның барысында Ж.М. Қожахметов негізгі мемлекеттік органдар мен квазимемлекеттік секторда жауапты лауазымдарды атқарды. Кәсіби жолы Қазақстан Республикасы Президентінің Әкімшілігінде Мемлекеттік инспектор және мемлекеттік бақылау және ұйымдастыру-аумақтық жұмыс бөлімі меңгерушісінің орынбасары лауазымдарындағы жұмысты, сондай-ақ, Қазақстан Республикасы Ақпарат және коммуникациялар министрлігінде және Ақпарат және қоғамдық даму министрлігінде Жауапты хатшы лауазымындағы қызметтерді қамтиды. Астана қаласындағы ҚР Премьер-министрінің орынбасары (әлеуметтік блок) жанындағы жобалық кеңсені басқару мансаптың маңызды кезеңі болды. Көп жылғы жемісті қызметі мен елдің дамуына қосқан үлесі үшін жоғары мемлекеттік наградаларға ие болды, оның ішінде «Қазақстан Республикасының тәуелсіздігіне 20 жыл» мерейтойлық медалі (10.11.2011 ж.) және «Құрмет» ордені (05.12.2022 ж.).

         Мемлекеттік басқарудағы бай тәжірибесі, реттеуші ортаны терең түсіну және орталық атқарушы органдардағы көпжылдық жұмысы Ж.М. Қожахметовке Қазақстанның телерадио хабарларын тарату саласындағы жүйе құраушы оператор ретінде «Қазтелерадио» АҚ-ның дамуына нақты көзқарас қалыптастыруға мүмкіндік береді.